Іс-шараның модераторы ретінде туристік орталық директоры Бахтиар Бекмурзаев сөз сөйледі. Семинар аясында «Kazakh Tourism» ұлттық компаниясының өкілі Даурен Ақбота«Сапа белгісі» бағдарламасын стандарттау бойынша жан-жақты материал ұсынды.
Қатысушылар сондай-ақ маркетинг, әлеуметтік желілерде ілгерілету, онлайн-сервистер мен цифрлық құралдармен жұмыс істеу бойынша практикалық оқудан өтті. Сонымен қатар CRM жүйелерін және жасанды интеллект элементтерін енгізу тақырыптары қарастырылды.
Өз тәжірибесімен және материалдарымен «MediAz»компаниясының негізін қалаушы Медеу Әбеузар бөлісті.
Семинарға офлайн форматта 35 адам, ал онлайн режимде шамамен 50 адам қатысты.
Бұл семинар сала өкілдері үшін пайдалы әрі мазмұнды алаңға айналды. Алдағы уақытта осындай іс-шаралар Қарағанды облысының басқа өңірлерінде де өткізілетін болады.