«Бұйратау» мемлекеттік ұлттық табиғи паркі» республикалық мемлекеттік мекемесі 2011 жылғы 11 наурызда Қазақстан Республикасының жазықтарында пайда болды.
Қазақстандағы он екінші ұлттық парк Біріккен Ұлттар Ұйымының Жаһандық экологиялық қорын (БҰҰДБ/ЖЭҚ) дамыту бағдарламасының «Дала экожүйелерін сақтау және орнықты басқару» жобасын қолдаумен «2011-2014 жылдарға арналған Жасыл Даму» салалық бағдарламасын іске асыру шеңберінде ҚР АШМ Орман және аңшылық шаруашылығы комитетімен құрылды. Қазақстан Жер бетінде сақталған барлық табиғи понтикалық далалардың едәуір бөлігіне ие және ежелгі заманнан бері мұндағы дала жергілікті халық үшін маңызды экономикалық, экологиялық рөл атқарды. Алайда, бүгінде дала Қазақстандағы экожүйелердің ең аз қорғалған түрі болып табылады.
«Бұйратау» ұлттық табиғи паркі орташа құрғақ және құрғақ дала субзондары арасындағы өтпелі белдеуде орналасқан.
«Бұйратау» МҰТП аумағы Республикалық маңызы бар табиғатты қорғау және ғылыми мекеме мәртебесі бар ерекше қорғалатын табиғи аумақтардың екінші санатына жатады, биологиялық және ландшафттық әртүрлілікті сақтауға, ерекше экологиялық, ғылыми, тарихи-мәдени және рекреациялық құндылығы бар бірегей табиғи кешендер мен мемлекеттік табиғи-қорық қорының объектілерін табиғатты қорғау, экологиялық-ағарту, ғылыми, туристік және рекреациялық мақсаттарда пайдалануға арналған.
ЕҚТА қорының объектілері болып орман, геологиялық, гидрогеологиялық, геоморфологиялық, зоологиялық және ботаникалық объектілер табылады.
«Бұйратау» МҰТП» РММ құрамына жергілікті маңызы бар өңірлік табиғи парк, республикалық маңызы бар Белодымов және Ерейментау мемлекеттік табиғи қорықтарының аумақтары және жергілікті маңызы бар «Соколиные горы» зоологиялық қорығы кірді.
Аумақта төрт туристік бағыт бар, оның үшеуі Ақмола облысының аумағында, біреуі Қарағанды облысының аумағында орналасқан.
«Бұйратау» МҰТП РММ аумағында Орталық Қазақстандағы ең үлкен 400 га болатын қаумал бар, ол Қарағанды облысының аумағында орналасқан. Онда маралдар (бұғы) мен бизондарды кездестіруге болады. «Бұйратау» ұлттық паркінің аңдары арасында Қазақстан Республикасының Қызыл кітабына енгізілген Солтүстік Қазақстандық арқар да бар.
«Бұйратау» МҰТП аумағы едәуір үлкен аумаққа ие, әрі ірі қалалардан үлкен қашықтыққа – Қарағанды қаласы жағынан Белодымов филиалының аумағына дейін 170 км, Астана қаласынан Ерейментау филиалының аумағына дейін 120 км қашықтықта орналасқан.
Біздің мекен-жайымыз: Қазақстан Республикасы, 101012, Қарағанды облысы, Осакаров ауданы, Молодежный кенті, Абай көшесі 13.
Анықтама үшін: 8 (72148) 21-8-01 - туризм, экологиялық білім және ғылым бөлімі;
8 (72148) 21-5-79 – қабылдау бөлмесі
Ресми сайт: www.qnpp-buiratau.kz;
Instagram: mutprmmbuiratau6;
эл. пошта: buiratau@mail.ru;
